श्रीलंका डेभलपमेन्ट्सविरुद्धको दोस्रो खेल पनि रद्द

काठमाडौं : आईसीसी विश्वकप लिग २ को अभ्यासका लागि भनेर श्रीलंका गएको नेपाली राष्ट्रिय टोलीको दोस्रो खेल वर्षाका कारण रद्द भएको छ।

बुधबारका लागि तोकिएको दोस्रो एक दिवसीय खेल वर्षाका कारण रोकिएको नेपाल क्रिकेट संघ क्यानले जनाएको छ।

यसअघि मंगलबार हुने भनिएको पहिलो खेल पनि वर्षाका कारण रोकिएको थियो। उक्त खेल पनि वर्षाकै कारण अवरुद्ध भएको थियो।

अब नेपालले तेस्रो खेल ६ सेप्टेम्बरमा हुनेछ। नेपालले श्रीलंका डेभलपमेन्ट्सविरुद्ध तीन खेलको एकदिवसीय सिरिज खेल्ने तय भएको थियो।

क्यानडामा हुने तीन देशको विश्वकप क्रिकेट लिग २ अन्तर्गतका खेलअघि अभ्यासका लागि नेपाली टोली श्रीलंका गएको हो।

यसअघि नेपाली टोलीले भारतको बैंग्लोरस्थित नेशनल क्रिकेट ऐकेडेमीमा अभ्यास गरेको थियो। श्रीलंका सिरिजका लागि १९ जनाको टोली घोषणा भएको थियो।

अब ती १९ जनाबाटै १५ सदस्यीय टोली घोषणा भएर क्यानडा प्रस्थान गर्नेछन्।

भदौ १८, २०८१ बुधबार १२:०१:४० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।