‘मेरो कृष्ण,आइस्यो’

३३ हप्ता अघि

काठमाडौँ : ‘श्रीकृष्ण जन्माष्टमी’ पर्वमा आज देशभरका कृष्णको मन्दिरमा भक्तजनहरूको भिड लागेको छ। आज व्रत बसेर कृष्णको पूजा–आराधना गरिन्छ। भक्तपुरको कृष्ण मन्दिरमा आज विशेष पूजा हुन्छ। भक्तजनहरूको भिड लाग्छ।

ज्ञान योग, कर्मयोग र भक्तियोगका प्रणेता भगवान् श्रीकृष्णको जन्म द्वापरयुगमा भाद्रकृष्ण अष्टमीको मध्यरातमा भएकाले श्रीकृष्णजन्माष्टमीलाई ‘श्रीकृष्ण जन्माष्टमी’ र रातलाई ‘मोहरात्रि’ भनिन्छ।

आज देशभरिका कृष्णमन्दिरमा भगवान् श्रीकृष्णको पूजा–आराधना, प्रवचन, भजनकीर्तन गर्नाका साथै विशेष गरी महिला, पुरुष ‘व्रत’ बसी रातभर जाग्राम बस्ने प्रचलन छ।

अन्याय, अत्याचार र राक्षसी प्रवृत्तिबाट सम्पूर्ण मानवको रक्षा गर्न भगवान् विष्णुको आठौँ अवतारका रूपमा जन्मिएको धार्मिक विश्वास देखिन्छ। श्रीकृष्णले आजीवन सत्यको पक्षमा रही सत्कर्मका लागि मानव समुदायलाई प्रेरित गरेका छन्।