भक्तपुरमा जब महाकाली आफैँ नाच्न थालिन्

भक्तपुर : मध्यपुर थिमी, जहाँ नेवार संस्कृतिको अझै जीवित छ, त्यहीँको वार्षिक महाकाली नाच शहरको अनुपम सांस्कृतिक पहिचान बनेको छ।

पुस्तौँदेखि हस्तान्तरण हुँदै आएको यो अनुष्ठानात्मक नाचले नेवार समुदायको समृद्ध सांस्कृतिक अभिव्यक्तिलाई मात्र होइन, त्यहाँको स्थानीयबीचको एकतालाई पनि प्रगाढ बनाइरहेको छ।

गाईजात्राको भोलिपल्टदेखि सुरु भएको महाकाली नाच आइतबार सकियो। थिमीका युवाहरूले संस्कृति र परम्पराको संरक्षण गर्दै नाचको आयोजना गरे।

महाकाली देवीले मानिसलाई दुष्ट शक्तिबाट रक्षा गर्ने विश्वास गरिएको छ, र यही विश्वासलाई जीवित राख्दै, महाकालीलाई केन्द्रीय पात्रका रूपमा देखाइएको नृत्यले यस मान्यतालाई चित्रण गरेको थियो।

महाकालीसँगै महालक्ष्मी, कुमारी, सिंह, महिषासुर, भैरव, कावाङ्चा, माका, ख्याक, र बेताल जस्ता पात्रहरूको नृत्यले पनि महाकाली नाचलाई अझ आकर्षक बनाएको थियो। 

भदौ ८, २०८१ आइतबार २३:३३:३६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।