रामेछाप पहिरो अपडेट : ६ जनाको शव भेटियो, एकजनाको सकुशल उद्धार
काठमाडौं : रामेछापको दोरम्बा शैलुङ गाउँपालिका-३, लेकखर्कमा पहिरोमा पुरिएर बेपत्ता भएका ६ जनाको शव भेटिएको छ। एकजना घाइते छन् भने केही बेपत्ता छन्।
शनिबार राति वर्षापछि आएको पहिरोले चार घरमा क्षति गरेको छ। तीन घर पूर्ण रुपमा क्षति भएको छ भने एक घरमा आंशिक क्षति पुगेको प्रहरीले जनाएको छ।
मृत्यु हुनेमा चण्डिका थापामगर र उनका २ वर्षका छोरा आयुस रहेका छन्।
अञ्जना पहरीको भने सकुशल उद्धार गरिएको छ।
मृतक अन्य ४ जनाको पहिचान खुल्न बाँकी रहेको रामेछापका प्रमुख जिल्ला अधिकारी अनिता निरौलाले बताइन्।
भदौ ८, २०८१ आइतबार ०९:५९:०४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
