शिखर धवनद्वारा अन्तर्राष्ट्रिय र घरेलु क्रिकेटबाट सन्यासको घोषणा
१२ हप्ता अघि
एजेन्सी : भारतीय क्रिकेटर शिखर धवनले अन्तर्राष्ट्रिय र घरेलु क्रिकेटबाट सन्यासको घोषणा गरेका छन्।
शनिबार बिहान सामाजिक सञ्जाल एक्समा एक पोस्ट गर्दै यो जानकारी दिएका हुन्।
शिखर धवनले आफ्नो परिवार, बाल्यकालका प्रशिक्षक, भारतीय टोली, बीसीसीआई, डीडीसीए र फ्यानहरूलाई धन्यवाद दिएका छन्।
आफ्नो क्रिकेट यात्राबाट विदाई हुँदै गर्दा उनले देशका लागि खेल्न पाउँदा मनमा शान्ति भएको बताए।
धवनले ३४ टेस्ट र १६७ ओडीआई खेल्दा एकदिवसीय खेलमा छ हजार ७९३ र टेस्टको ५८ इनिङ्समा दुई हजार ३१५ रन बनाएका छन्।
भदौ ७, २०८१ शनिबार ०९:०८:१८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
