साफ यू-२० च्याम्पियनसिपमा बंगलादेशले श्रीलंकालाई हरायो
काठमाडौं : काठमाडौंमा जारी साफ यू–२० च्याम्पियनसिप अन्तर्गत समूह ए बाट नेपाल र बंगलादेश सेमिफाइनलमा पुगेका छन्।
समूह ए अन्तर्गत मंगलबार सम्पन्न खेलमा बंगलादेशले श्रीलंकालाई २–० ले पराजित गरेसँगै नेपाल र बङ्गलादेश सेमिफाइनलमा पुगे। समूह ए का दुवै खेलमा हार बेहोरेपछि श्रीलंका भने प्रतियोगिताबाट बाहिरिएको छ।
नेपालले समूह चरणको अन्तिम खेलमा बिहीबार बंगलादेशसँग खेल्ने तालिका रहेको छ। विजयी हुने टिम समूह विजेता हुँदै सेमिफाइनलमा पुग्नेछ।
यता समूह बी को खेलमा भारतले भुटानलाई १–० गोलले पराजित गरेको छ।
नेपालसहित ६ देशले भाग लिएको यस प्रतियोगितामा समूह ए मा नेपाल, बंगलादेश र श्रीलंका तथा समूह बी मा भारत, भुटान र माल्दिभ्स रहेका छन्।
भदौ ३, २०८१ मंगलबार १८:२०:०५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
