स्पेनिस ला लिगा : पहिलो खेलबाटै बार्सिलोनाको विजयी यात्रा सुरू
एजेन्सी : स्पेनिस ला लिगाको नयाँ सिजनको पहिलो खेलमा बार्सिलोना विजयी भएको छ।
गएराति भएको खेलमा भ्यालेन्सियालाई २-१ गोलले पराजित गर्दै बार्सिलोनाले जितबाट यो सिजनको सुरू गर्यो।
नयाँ प्रशिक्षकका रूपमा ह्यान्सी फ्लिक आएयता बार्सिलोनाको यो पहिलो खेल हो।
पहिलो हाफको ४४ औँ मिनेटमा घरेलु टोली भ्यालेन्सियाको लागि ह्युगो डुरोले गोल गर्दै टिमलाई १-० को अग्रता दिलाएका थिए। तर, पहिलो हाफको इन्जुरी समयमा वार्साका लेवान्डोस्कीले गोल गर्दै टिमलाई बराबरी गराए।
दोस्रो हाफको ४९ औँ मिनेटमा पेनाल्टी मार्फत लेवान्डोस्कीले पुनः गोल गर्दै टिमलाई २-१ को जित दिलाए।
राफिन्हालाई बक्समा लडाएपछि बार्सिलोनाले पेनाल्टी पाएको हो।
भदौ २, २०८१ आइतबार ०९:०५:५१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
