काभा वुमन्स भलिबल : इरानलाई सहजै हराएर फाइनलमा पुग्यो नेपाल, उपाधिका लागि भारतसँग भिड्ने
काठमाडौं : काभा वुमन्स नेसन्स लिग भलिबलको दोस्रो सेमिफाइनलमा इरानलाई सोझो सेटमा हराउँदै नेपाल फाइनल प्रवेश गरेको छ।
त्रिपुरेश्वरस्थित राखेपको कभर्डहलमा भएको खेलमा नेपालले इरानलाई २५–२१‚ २८–२६ र २५-२० ले सोझो सेटमा पराजित गर्यो।
नेपालको जितमा आज निरुता ठगुन्ना‚ उषा भण्डारी‚ साफिया पुन र सरस्वती चौधरीले खेलमा उत्कृष्ट प्रदर्शन गरे।
आजको जितसँगै नेपालले समूह चरणमा इरानसँग भोगेको हारको साटो फेरेको छ।
अब नेपालले उपाधिका लागि भोलि भारतसँग प्रतिस्पर्धा गर्नेछ।
तेस्रो स्थानका लागि इरान र श्रीलंकाबीच पनि भोलि नै खेल हुनेछ।
आजै भएको पहिलो सेमिफाइनलमा श्रीलंकालाई हराउँदै भारत फाइनलमा पुगिसकेको छ।
साउन २१, २०८१ मंगलबार १९:३१:२५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
