काभा नेशन्स लिगको सेमिफाइनलका खेलहरू आज
काठमाडौं : काभा महिला नेशन्स लिगको सेमिफाइनलमा आज भारत र श्रीलंका तथा नेपाल र इरान भिड्दैछन्।
मंगलबार दिउँसो तीन बजे हुने पहिलो सेमिफाइनलमा भारत र श्रीलंका भिड्दैछन् भने साँझ सवा ५ बजे हुने दोस्रो सेमिफाइनलमा नेपाल र इरानबीच प्रतिस्पर्धा हुँदैछ।
भारतले प्रतियोगितामा चारमध्ये तीन खेलमा जित निकालेर पहिलो स्थानमा रहँदा श्रीलंका भने एक खेलमा मात्र जित निकालेर चौथो स्थानमा रहँदै सेमिफाइनलमा स्थान बनाएको हो।
साँझ सवा पाँच बजे हुने दोस्रो सेमिफाइनलमा नेपालले बलियो प्रतिस्पर्धी इरानसँग भिड्दैछ। नेपाल जारी प्रतियोगितामा इरानसँग पराजित भएको थियो भने इरान भारतसँग पराजित भएको थियो।
इरान तेस्रो र नेपाल दोस्रो स्थानमा रहँदै सेमिफाइनलमा प्रतिस्पर्धा गर्न लागेका हुन्।
प्रतियोगिताको फाइनल खेल भोलि हुनेछ।
साउन २१, २०८१ मंगलबार ०८:४१:१८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
