श्रीलंका र भारतबीचको दोस्रो एक दिवसीय खेल आज
काठमाडौं : श्रीलंका र भारतबीचको तीन खेलको एक दिवसीय क्रिकेट सिरिजको दोस्रो खेलमा आज हुँदैछ।
खेल श्रीलंकाको कोलम्बोस्थित आर प्रेमादासा स्टेडियममा दिउँसो पौने तीन बजेबाट सुरु हुनेछ।
पहिलो म्याच टाइ भएको थियो।
भारतसँग भएको पछिल्ला पाँच खेलमा श्रीलंका पाँचै खेलमा पराजित भएको छ।
यसअघि तीन खेलको टी२० सिरिज पनि भारतले ३-० ले क्लिनस्वीप गरेको थियो।
रोहित शर्मा, विराट कोहली र रविन्द्र जडेजाले टी२० अन्तर्राष्ट्रियबाट सन्यास लिएसँगै अहिले भारतीय टी२० टिमको कप्तानी सूर्यकुमार यादवले सम्हालेका छन्।
एक दिवसीय टीमको कप्तानी भने रोहित शर्माले नै सम्हालिरहेका छन्। भारतीय टिमममा नयाँ प्रशिक्षक गौतम गम्भीर आएपछि पहिलो पटिक कुनै देशसँग सिरिज भएको हो।
साउन १९, २०८१ आइतबार १०:०३:४९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
