तोलाको चार सयले बढ्यो सुनको मूल्य
१५ हप्ता अघि
काठमाडौं : साताको दोस्रो दिन सोमबार सुनचाँदीको मूल्य बढेको छ।
आइतबारको तुलनामा सोमबार सुन तोलाको चार सय र चाँदी तोलाको १० रुपैयाँले बढेको नेपाल सुनचाँदी व्यवसायी महासंघले जनाएको छ।
महासंघका अनुसार सोमबार छापावाल सुन तोलाको एक लाख ४६ हजार एक सय रुपैयाँ कायम भएको छ। उता तेजाबी सुनको मूल्य तोलाको एक लाख ४५ हजार चार सय पुगेको छ।
आइतबारको तुलनामा १० रुपैयाँ बढोत्तरी आउँदा सोमबार चाँदी प्रतितोला एक हजार ७५० रुपैयाँमा कारोबार हुनेछ।
आइतबार छापावाल सुन तोलाको एक लाख ४५ हजार सात सय रुपैयाँ हुँदा चाँदी तोलाको एक हजार ७४० रुपैयाँ थियो।
साउन १३, २०८१ सोमबार १०:४७:५० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
