ग्लोलल टी२० क्यानडा आजबाट सुरु हुँदै, उद्घाटन खेलमा नेपाली खेलाडी टोरन्टो र भानकुभर भिड्दै
![ग्लोलल टी२० क्यानडा आजबाट सुरु हुँदै, उद्घाटन खेलमा नेपाली खेलाडी टोरन्टो र भानकुभर भिड्दै](https://ukeraa.prixacdn.net/media/albums/gt20_canada_MfK80SpqFF.jpg )
काठमाडौं : ग्लोबल टी२० क्यानडा आजबाट सुरु हुँदैछ। प्रतियोगिताको उद्घाटन खेलमा टोरन्टो नेशनल्स र भानकुभर नाइट्स भिड्दैछन्।
खेल नेपाली समयअनुसार राति पौने २ बजे ब्राम्पटनस्थित सीएए सेन्टरमा हुँदैछ। यी दुई टोलीबीच भएका पछिल्ला पाँच खेलमा भानकुभरले तीन र टोरन्टोले दुई खेल जितेको छ।
भानकुभरको टिममा नेपालका सन्दीप लामिछाने र दीपेन्द्रसिंह ऐरी हुँदा टोरन्टोमा नेपाली टोलीका कप्तान रोहित पौडेल छन्।
सन्दीप उद्घाटन खेलका लागि क्यानडा पुगिसकेका छन् भने रोहित र दीपेन्द्र भिसा समस्याका कारण नेपालमै छन्।
साउन ९, २०८१ बिहीबार १२:३५:४२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।