एनआईबिएल इक्विटी पार्टनर्सले डेलिज डेरिजमा लगानी गर्ने
![एनआईबिएल इक्विटी पार्टनर्सले डेलिज डेरिजमा लगानी गर्ने](https://ukeraa.prixacdn.net/media/albums/Image_UgXQ7UGAMC.jpeg )
काठमाडौं : नेपालको अग्रणी प्राइभेट इक्विटी फर्म एनआईबिएल इक्विटी पार्टनर्सले डेलिस डेरिजसँग ९ करोड ५० लाखको लगानी सम्झौतामा हस्ताक्षर गरेको छ।
एनआईबिएल इक्विटी पार्टनर्स विशिष्टीकृत लगानी कोष नियमावली, २०७५ अन्तर्गत दर्ता भएको र सेबोनद्वारा स्वीकृतिप्राप्त कोष प्रबन्धक एनआईएमबी एस क्यापिटल लिमिटेडको एकाइ हो।
३१ असार, २०८१ मा हस्ताक्षर भएको यस सम्झौताले आधुनिक र उच्च-गुणस्तरको दुग्ध उत्पादनमा आफूलाई देशकै प्रथम स्थानमा स्थापित गर्ने चाहने डेलिज डेरिजको लक्ष्यलाई थप ऊर्जा प्रदान गरेको छ।
एनआईबिएल इक्विटी पार्टनर्सले डेलिस डेरिजको गुणस्तर र उत्कृष्टताप्रतिको प्रतिबद्धतालाई मान्यता दिएको छ। ‘डेलिस’ ब्राण्डको ग्रीक दहीले नबिनताको पहिचान दिएको छ भने ‘पञ्चमी’ले स्थानीय नेपालीहरुको मन जित्न सफल भएको छ।
यस लगानीले नेपाली बजारमा डेलिस ब्राण्डको स्थानलाई झनै मजबुत बनाउने कम्पनीको दाबी छ।
साउन ७, २०८१ मंगलबार १०:१८:२६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।