घट्यो सुनचाँदीको मूल्य
काठमाडौं : साताको पहिलो कारोबार दिन नेपाली बजारमा आइतबार सुनको मूल्य घटेको छ।
नेपाल सुनचाँदी व्यवसायी महासंघका अनुसार आज छापावाल सुन तोलामा १३ सय रूपैयाँले घटेको हो।
शुक्रबार प्रतितोला १ लाख ४७ हजार ५ सय रूपैयाँमा कारोबार भएको छापावाल सुन आज १३ सय रूपैयाँले घटेर १ लाख ४६ हजार २ सय रूपैयाँमा कारोबार भइरहेको छ।
त्यस्तै, आज तेजावी सुन प्रतितोला १ लाख ४५ हजार ५ सय रूपैयाँमा खरिद-बिक्री भइरहेको महासंघले जनाएको छ।
आज चाँदीको मूल्य पनि घटेको छ।
शुक्रबार तोलामा १ हजार ८ सय ३० रूपैयाँमा कारोबार भएको चाँदी आज २० रूपैयाँले घटेर १ हजार ८ सय १० रूपैयाँमा कारोबार भइरहेको छ।
साउन ५, २०८१ आइतबार ११:०३:०३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
