मिस युनिभर्स नेपाल २०२४ को बैंकिङ्ग पार्टनरमा ग्लोबल आईएमई बैंक
![मिस युनिभर्स नेपाल २०२४ को बैंकिङ्ग पार्टनरमा ग्लोबल आईएमई बैंक](https://ukeraa.prixacdn.net/media/albums/Image_Nqh1DvyGEP.jpeg )
काठमाडौं : मिस युनिभर्स नेपाल २०२४ को आधिकारिक बैंकिङ्ग पार्टनरमा ग्लोबल आईएमई बैंक भित्रिएको छ। नेपालमा २०२० देखि शुरु भएको मिस युनिभर्स विश्वकै प्रतिष्ठित सौन्दर्य प्रतियोगिता हो।
यस वर्षको मिस युनिभर्स नेपाल २०२४ को आवेदन छनोट प्रक्रिया शुरु भइसकेको छ भने ग्रान्ड फिनाले भदौको दोश्रो हप्तामा हुने भएको छ। अडिसनमा नेपाली र एनआरएनको उत्साहजनक सहभागिता रहेको आयोजक ग्लोबल ग्लामर भेन्चरले बताएको छ।
कार्यक्रमको आयोजक ग्लोबल ग्ल्यामर भेन्चरले यस वर्ष ट्रान्सजेन्डर, विवाहित, गैरआवासीय महिलाहरू र डाक्टर, इन्जिनियर, पाइलट लगायत विभिन्न पृष्ठभूमिका व्यक्तिहरूको उत्साहजनक र समावेशी सहभागिता भएको जनाएको छ।
प्रारम्भिक चरणको आवेदन छनोट प्रकृयामा ६० जनालाई फिजिकल अडिसनको लागि शर्टलिस्ट गरिएको र त्यसबाट ३५ जनालाई प्रशिक्षण दिइने आयोजकले जनाएको छ।
सहकार्यबारे बोल्दै मिस युनिभर्स नेपालको नेसनल डिरेक्टर सङ्गिता पुरीले ग्लोबल आईएमई बैंकसँग सहकार्य गर्न पाउँदा निकै हर्षित भएको बताइन्। यस सहकार्यले विविधतालाई प्रवद्र्घन गर्ने आफूहरूको प्रतिबद्धतालाई थप जोड मिलेको उनको भनाइ छ।
त्यस्तै ग्लोबल आईएमई बैंकका प्रमुख मार्केटिङ अफिसर दिलिप पोखरेलले मिस युनिभर्स नेपाल २०२४ सँग सहकार्य गर्न पाउँदा गौरवान्वित भएको बताए।
ग्लोबल आईएमई बैंकले समाजको प्रगति र महिला सशक्तिकरण गर्ने पहलहरूलाई सदैव समर्थन गर्ने बताउँदै उनले संस्थागत सामाजिक उत्तरदायित्व अन्तर्गत स्वास्थ नारी पहल, मेरी उनिलाई र छात्रालाई छात्रवृत्ति जस्ता कार्यक्रमहरू गरेर महिलाहरूको आर्थिक शैक्षिक लगायत समग्र सशक्तिकरणमा पहल गर्दै आइरहेको स्मरण गराए।
यो वर्ष मिस युनिभर्स २०२४ मा प्रशिक्षणको लागि राष्ट्रिय तथा अन्तर्राष्ट्रिय स्तरको प्रशिक्षकहरू राखिएको आयोजकले जनाएको छ।
प्रशिक्षणको लागि एलेक्जेन्डर गोन्जालेज र लुइस पोर्टेलिस रहेका छन्। एलेक्जेन्डर इन्टरन्यासनल इमेज कन्सल्टेन्ट र पेजेन्ट कोरियोग्राफर हुन् भने लुइस पेजेन्ट एनालिस्ट हुन्।
साउन २, २०८१ बिहीबार ०९:४२:१४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।