होटलको कोठामा छ पर्यटक मृत भेटिएको घटनामा थाइल्यान्ड प्रहरीले भन्यो- ‘सायनाइड विष मिसाइएको चिया खुवाइएको देखियो’
एजेन्सी : थाइल्याण्डको राजधानी बैंककको एक प्रसिद्ध होटलमा मंगलबार ६ भियतनामी नागरिकको शव फेला परेको सन्दर्भमा प्रहरी बोलेको छ।
स्थानीय प्रहरीका अनुसन्धान अधिकृतले मारिएकाहरूलाई सायनाइड विष मिसाइएको चिया खुवाइएको हुनसक्ने बताएका छन्।
उनका अनुसार शव फेला परेको २४ घण्टाअघि नै सबैको मृत्यु भइसकेको थियो। थाइल्याण्डका अनुसन्धान अधिकारीहरूले यी रहस्यमय मृत्युहरूको पछाडि ऋणको कारण हुनसक्ने अनुमान गर्दै सोही दिशामा अनुसन्धान थालेका छन्।
मारिएकामध्ये दुई व्यक्तिले त्यहिँ मृत फेला परेका अर्का एक व्यक्तिलाई लगानीका लागि ठूलो रकमको ऋण दिएको खुलेको प्रहरीको भनाइ छ।
यसअघि शव फेला परेपछि स्थानीय सञ्चारमाध्यमले घटनालाई बन्दुकधारीसँग जोडेका थिए। तर प्रहरीले त्यस्ता रिपोर्टहरूलाई सिधै नकारेको छ।
साउन २, २०८१ बुधबार १३:५८:१५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
