प्रधानमन्त्री दाहाललाई मत नदिन कांग्रेसको ह्विप
![प्रधानमन्त्री दाहाललाई मत नदिन कांग्रेसको ह्विप](https://ukeraa.prixacdn.net/media/albums/Congress_Building_Bll3sQct33.jpg )
काठमाडौं : नेपाली कांग्रेसले प्रधानमन्त्री पुष्पकमल दाहाल ‘प्रचण्ड’ले लिने विश्वासको मतको विपक्षमा मतदान गर्न ह्विप जारी गरेको छ।
एमालेले सरकारलाई दिएको समर्थन फिर्ता लिएकाले प्रधानमन्त्री दाहालले प्रतिनिधि सभाको शुक्रबारको बैठकमा विश्वासको मत लिँदैछन्।
कांग्रेस प्रमुख सचेतक रमेश लेखकले आज आफ्ना सबै सांसदलाई भोलिको बैठकमा अनिवार्य उपस्थित हुन, तटस्थ नरहन र प्रधानमन्त्रीले लिने विश्वासको मतसम्बन्धी प्रस्तावको विपक्षमा मतदान गर्न ह्विप जारी गरेका हुन्।
‘मिति २०८१ साल असार २८ गते शुक्रबारका दिन विहान ११:०० बजे प्रारम्भ हुने प्रतिनिधि सभाको बैठकमा अनिवार्य उपस्थित हुन, तटस्थ नरहन र सम्माननीय प्रधानमन्त्री श्री पुष्पकमल दाहाल ‘प्रचण्ड’ले नेपालको संविधानको धारा १०० को उपधारा (२) बमोजिम आफूमाथि प्रतिनिधि सभाको विश्वास छ भन्ने प्रस्तावको विपक्षमा मतदान गर्न यो निर्देशन (व्हिप) जारी गरिन्छ’, पार्टीका प्रमुख सचेतक रमेश लेखकद्वारा जारी ह्विपमा उल्लेख छ।
असार २६, २०८१ बिहीबार १३:५१:२७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।