इंग्ल्यान्ड युरो कपको फाइनलमा, उपाधिका लागि स्पेनसँग भिड्ने
![इंग्ल्यान्ड युरो कपको फाइनलमा, उपाधिका लागि स्पेनसँग भिड्ने](https://ukeraa.prixacdn.net/media/albums/england_XV9H2Ngjbw.jpg )
काठमाडौं : इंग्ल्यान्ड लगातार दोस्रो पटक युरो कपको फाइनल पुगेको छ।
बिहीबार बिहान सम्पन्न दोस्रो सेमिफाइनलमा नेदरल्यान्ड्सलाई २-१ गोलले पराजित गर्दै इंग्ल्यान्डले फाइनलमा स्पेनसँगको भेट पक्का गरेको हो।
इंग्ल्यान्डका लागि ओली वाटकिन्सले दोस्रो हाफको अतिरिक्त समयको पहिलो मिनेटमा गोल गर्दै फाइनल यात्रा निश्चित गरेका हुन्।
खेलको सातौं मिनेटमा नेदरल्यान्ड्सका जावी सिमोन्सले गोल गर्दै सुरुवाती अग्रता दिलाएका थिए।
१८औं मिनेटमै इंग्ल्यान्डका लागि कप्तान ह्यारी केनले पेनाल्टी गोल गर्दै खेल बराबरीमा फर्काए।
खेल अवधिभर खेल बराबरीमै सम्पन्न हुनै लाग्दा दोस्रो हाफको अतिरिक्त समयको पहिलो मिनेटमा ओलीले गोल गर्दै इंग्ल्यान्डलाई फाइनल पुर्याएका हुन्।
असार २६, २०८१ बिहीबार ०७:०९:१७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।