जंगली च्याउको तरकारी खाँदा ४५ वर्षीय चेपाङको मृत्यु, छोरी र श्रीमती गम्भीर बिरामी
मकवानपुर : मकवानपुरमा जंगली च्याउ खाँदा एक जनाको मृत्यु भएको छ। अन्य ४ जना गम्भीर बिरामी परेका छन्।
राक्सिराङ गाउँपालिका–७ स्थित दगुबाङ गाउँमा जंगली च्याउको तरकारी खाँदा ४५ वर्षीय दलबहादुर चेपाङको मृत्यु भएको हो।
शनिबार साँझ जंगलबाट ल्याएको च्याउ खाँदा चेपाङ परिवारका ५ जना गम्भीर बिरामी परेका थिए। बिरामीमध्ये बाबु दलबहादुरको मृत्यु भएको प्रहरीले जनाएको छ। प्रहरीका अनुसार च्याउ खाएर गम्भीर बिरामी परेका उनलाई उपचारका लागि चितवनको भरतपुर अस्पतालतर्फ लैजाने क्रममा बाटोमै मृत्यु हो।
मृतक दलबहादुरकी श्रीमती जालीमाया, दुई छोरीहरू रेञ्जु र सिवना, छोरा सुशीलको स्वास्थ्य अवस्था गम्भीर रहेको छ।
उनीहरूको चितवनस्थित भरतपुर अस्पतालमा उपचार भइरहेको जिल्ला प्रहरी कार्यालय मकवानपुरले जनाएको छ।
असार १०, २०८१ सोमबार १७:२०:५८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
