प्रभास, दीपिका र अमिताभ अभिनित ‘कल्की २८९८ एडी’को रिलिजअघि नै ३८५ करोड व्यापार

एजेन्सी : प्रभास, दीपिका पादुकोण र अमिताभ बच्चनको फिल्म ‘कल्की २८९८ एडी’ यही जून १७ मा रिलिज हुँदैछ। नाग अश्विन निर्देशित फिल्मलाई लिएर फ्यानहरु निकै उत्साहित छन्। किनकी फिल्ममा पहिलोपटक प्रभास र दीपिका स्क्रिन शेयर गर्दैछन्।

फिल्मको दोस्रो ट्रेलर रिलिज भइसकेको छ। ट्रेलरलाई पनि दर्शकहरुले निकै मन पराइरहेका छन्। यही बीचमा यो फिल्मको बक्सअफिस राइट ३ सय ८५ करोड रुपैयाँमा बिकेको छ।

पिंकविलाका अनुसार फिल्मले रिलिज अघि नै बक्सअफिस राइट बेचेर ३ सय ८५ करोडको व्यापार गरिसकेको छ। कुनै पनि फिल्मको लागि यो हाइएस्ट प्री–रिलिज इभेन्ट हो।

फिल्मको आन्ध्र प्रदेश राइट्स ८५ करोड, सीडेड राइट्स २७ करोड र निजाम राइट्स ७० करोडमा बिक्री भएको छ। यसरी फिल्मको एपीटीएस व्यापार १ सय ८२ करोड छ।

यो फिल्म यसअघि नै तामिलनाडुमा २२ करोड, कर्नाटकमा ३० करोड र नर्थ इण्डियामा ८० करोड रुपैंयाँमा बिक्री भइसकेको छ। यस्तै, फिल्मको ओभरसिज राइट्स ७० करोडमा बिक्री भएको छ।

फिल्ममा मौनी रोय, कमल हासन र दुलकर सलमानको पनि अभिनय छ। फिल्ममा अमिताभ ‘अश्वत्थामा’, कमल हासन ‘काली’ र प्रभास ‘भैरव’ को भूमिकामा छन्। कमल फिल्मका भिलेन हुन्। ६ सय करोडमा बनेको यो फिल्ममा दीपिका ‘पद्मा’ चरित्रमा छिन्। 

असार ७, २०८१ शनिबार २०:०६:२६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।