हुवावे नेपाल र युनेस्कोद्वारा युवाहरूलाई एआई र नैतिकतासम्बन्धी कार्यशाला

काठमाण्डौं : हुवावे नेपालले युनेस्कोसँगको सहकार्यमा पुल्चोक ललितपुरस्थित संयुक्त राष्ट्र संघको कार्यालयमा एआई र ईथिक्स सम्बन्धी कार्यशाला आयोजना गरेको छ।

हुवावेको सीड्स फर द फ्युचर कार्यक्रम अन्तर्गत आयोजित यस कार्यक्रममा हुवावे र युनेस्को नेपालका प्रतिनिधिहरूका साथै ३०० भन्दा बढी आवेदकहरूको प्रभावशाली समूहबाट छानिएका ३० जना विद्यार्थीहरू सहभागी भएका थिए।

सहभागीहरूलाई व्यावहारिक छलफलमा एआई नैतिकताको बारेमा छलफल गर्न उनीहरूको समझ बढाउन र जिम्मेवार एआई विकासलाई बढावा दिनको लागी संलग्न गरिएको बताइएको छ। 

युवा प्रतिभाहरूलाई एआईमा आवश्यक ज्ञान र नैतिक विचारहरूको साथ शिक्षित गर्ने र एआई टेक्नोलोजीहरू पहुँचयोग्य, समावेशी, लैङ्गिक सन्तुलित र लाभदायक छन् भनेर सुनिश्चित गर्ने तरिकाहरू पनि छलफलहरूमा समावेश गरिएको थियो। 

सन् २००८ मा स्थापना भएदेखि नै सीड्स फर द फ्युचर ले १४० देशका १८,००० भन्दा बढी विद्यार्थीहरूलाई तालिम दिइसकेको छ भने ५०० भन्दा बढी विश्वविद्यालयहरूसँग सहकार्य गरेको छ र ३६० वरिष्ठ अधिकारीहरूबाट अनुमोदन प्राप्त गरेको छ। कार्यशालापछि अन्तिम प्रतिस्पर्धाले चीनमा थप प्रशिक्षण र सहभागिताका लागि उत्कृष्ट विद्यार्थी छनोट गर्नेछ।  

असार ५, २०८१ बिहीबार १६:००:१६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।