बारामा गोली हानेर क्याम्पस प्रमुख कुशवाहको हत्या
![बारामा गोली हानेर क्याम्पस प्रमुख कुशवाहको हत्या](https://ukeraa.prixacdn.net/media/albums/gun-fire_VoEuxaREu4.jpg )
प्रतिकात्मक तस्बिर।
बारा : गोली हानेर मोहन विक्रम रामराजा बहुमुखी क्याम्पसका प्रमुख हरिभूषण कुशवाहाको हत्या गरिएको छ ।
शुक्रवार साँझ अज्ञात समूहले उनलाई गोली हानेका थिए। जिल्ला प्रहरी कार्यालय बाराका अनुसार आदर्शकोतवाल गाउँपालिका-२ खजुरियाबाट सदरमुकाम कलैयातर्फ जाँदै गरेको बेलामा वडा नं. ३ स्थित भतिनिया क्षेत्रमा उनलाई गोली हानिएको हो।
घाइते कुशवाहालाई उपचारका लागि बयोधा अस्पताल वीरगन्जमा लगिएकोमा चिकित्सकले उनलाई मृत घोषणा गरेको थियो।
जेठ ३२, २०८१ शुक्रबार २०:२७:४८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।