वेभ सिरिज ‘द ट्रायल’ अभिनेत्री नूर आफ्नै कोठामा मृत भेटिइन्
वेभ सिरिज ‘द ट्रायल’ अभिनेत्री नूर आफ्नै कोठामा मृत भेटिइन
मुम्बई : भारतीय वेब सिरिज ‘द ट्रायल’की अभिनेत्री नूर मालाबिका दास आफ्नै कोठामा मृत फेला परेकी छन्। कतार एयरवेजको पूर्व एयर होस्टेससमेत रहेकी उनी मुम्बईको लोखण्डवालास्थित आफ्नै फ्ल्याट मृत भेटिएकी प्रहरीले जनाएको छ।
नूरका छिमेकीले उनको फ्ल्याटबाट दुर्गन्ध आइरहेको खबर प्रहरीलाई दिएका थिए। त्यसपछि पुगेको ओशिवारा प्रहरीले फ्ल्याटको ढोका फोरेर भित्र पस्दा शव सडे गलेको अवस्थामा भेटिएको थियो। नूरको परिवारका सदस्य मुम्बईमा छैनन्।
प्रहरीले मालाबिकाको आत्महत्याका कारण मृत्यु भएको ठहर गर्दै के कारणले भन्ने खोजी भइरहेको बताएको छ। नूरको परिवारलाई शव लिन आउन भने पनि कोही सम्पर्कमा नआएपछि बेवारिसे शवको दाहसंस्कार गर्ने संस्थाको सहयोगमा उनको अन्त्येष्टि गरिएको छ।
३२ वर्षीया नूर भारत असमकी हुन्। उनले हिन्दी फिल्मसँगै वेब सिरिजमा पनि काम गरेकी छन्। उनले ‘वाकमेन’, ‘तिखी चटनी’, ‘जघन्या उपाय’, ‘चरमसुख’, ‘देखी अनदेखी’ र ‘बेकरोड हलचल’ जस्ता सिरिज र फिल्ममा काम गरेकी छन्।
जेठ २८, २०८१ सोमबार १६:२१:२८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
