आँचल र अनमोलको जोडी मिल्ला त?
काठमाडौँ : अनलक्की अभिनेत्री आँचल शर्मा अनि लक्की अभिनेता अनमोल केसीको जोडी कति सुहाउँला? ‘जेरी: अन टप' मा आँचल अनुबन्ध भएको खबरसँगै जिज्ञासा बढ्नु स्वाभाविकै हो।
यो फिल्ममा पहिल्यै अनमोलसँगै आना शर्मासमेत अनुबन्ध भइसकेकी छिन्। निर्माण टिम फर्की फर्कीकै रहेको फिल्ममा आँचल अनुबन्ध भएको सार्वजनिक गरिए पनि उनी अनमोलको अपोजिट भूमिकामा हो या अनमोल या आनाको अभिभावकको भूमिकामा हो भन्ने खुलाइएको छैन।
तर अनमोल र आँचलले एकै फिल्ममा अभिनय गर्न लागेको यो पहिलो फिल्म भने हो। फर्की फर्कीमा अनमोल र जसिताको जोडी क्युट देखिएको थियो।
यो फिल्मको निर्देशन फर्की फर्कीकै निर्देशक सुयोग गुरुङ छन्। फर्की फर्कीका निर्माता रोहित अधिकारी क्रियटिभ निर्माताको रूपमा सहभागी भएका छन्।
जेठ २५, २०८१ शुक्रबार २१:२९:३९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
