आइसीसी टी-२० विश्वकपको अन्तिम अभ्यास खेल भारत र बंगलादेशबीच हुँदै

काठमाडौं : आइसीसी टी-२० विश्वकप अन्तर्गत भारत र बंग्लादेशबीच अभ्यास खेल आज हुँदैछ। न्यूयोर्कको क्यान्टी पार्कमा सुरू हुने खेल नेपाली समय अनुसार राति सवा ८ बजेदेखि हुनेछ। टी-२० विश्वकप सुरू हुनुअघिको यो अन्तिम अभ्यास खेल हो। भारतीय क्रिकेटर विराट कोहली न्यूयोर्क पुगेका छन्, तर अभ्यास खेल भने खेल्ने छैनन्।

भारतको १५ खेलाडीको टोलीमा भर्खरै आईपीएल खेलेका खेलाडीहरू समावेश छन्। केही भारतीय खेलाडीहरूको लागि, यो अभ्यास खेल एक प्लेटफर्म हो जहाँ उनीहरूले आफ्नो उत्कृष्ट प्रदर्शन दिएर टोलीमा आफ्नो स्थान सुरक्षित गर्न सक्छन्।

बंगलादेशसामु चुनौती आत्मविश्वास बढाउनु हो, किनकि उसले भारतसँग पछिल्लो ५ टी-२० अन्तर्राष्ट्रिय खेलमध्ये ४ हारेको छ। यसमा २०२२ को टी-२० विश्वकपको खेल पनि समावेश छ। उक्त खेलमा बंगलादेश ३० रनले पराजित भएको थियो। विराटको ६४ रनको इनिङका कारण बंगलादेशले १८५ रनको लक्ष्य दिएको थियो। अर्शदीप र हार्दिकले २/२ विकेट लिए र बंगलादेशी टोलीलाई १४५ रनमा सीमित गरे।

भारत र बंगलादेशबीच १३ वटा टी-२० अन्तर्राष्ट्रिय खेल भएका छन्। १२ खेल भारतले जितेको थियो भने १ खेल बंगलादेशले जितेको थियो। टी-२० विश्वकपमा दुवै टोली ४ पटक भिडेका छन् भने बंगलादेशले चारै पटक हार बेहोरेको छ।

बंगलादेशसँगको भारतको अभ्यास खेल खेलाडीहरूलाई त्यहाँको अवस्थासँग परिचित हुन महत्वपूर्ण हुनेछ। भारतीय टोलीले आफ्नो कम्बिनेशन पनि हेर्ने छ।

आज दुवै टोलीले टस जितेर पहिले ब्याटिङ गर्न चाहन्छन् र अभ्यास खेलमा आफ्ना महत्वपूर्ण ब्याट्सम्यानलाई परीक्षण गर्ने पूरा मौका दिनेछन्। एसियाली खेलकुद-२०२२ को सेमिफाइनलमा भारत र बंगलादेशबीचको अन्तिम भिडन्त भएको थियो। खेलमा भारतीय टोली ९ विकेटले विजयी भएको थियो। भारतले बंगलादेशबाट पाएको ९७ रनको लक्ष्य ९.२ ओभरमा एक विकेट गुमाएर पूरा गरेको थियो।  

जेठ १९, २०८१ शनिबार १५:२२:५९ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।