करण र सलमानपछि ‘बिग बोस ओटीटी’ होस्ट गर्दै अनिल कपूर
मुम्बई : लोकप्रिय भारतीय रियालिटी शो ‘बिग बोस ओटीटी ३’ अभिनेता अनिल कपूरले होस्ट गर्ने भएका छन्।
पहिलो सिजन करण जोहर र दोस्रो सिजन सलमान खानले होस्ट गरेको यो शो यसपाली भने अनिल कपूरले होस्ट गर्न लागेका हुन्।
जियो सिनेमाले शुक्रबार आफ्नो इन्स्टाग्राममा शो को प्रोमो शेयर गरेको छ। प्रोमोमा अनिल कपूर देखिएपछि शो को होस्ट उनी भएको खुलेको हो।
भिडियोमा शो चलिरहेको बेला अनिल कपूरको प्रवेश देखाइएको छ। यद्यपि अध्यारोका कारण उनको अनुहार प्रस्ट देखिएको छैन।
अनिल कपूर सिटी बजाउँदै आफ्नो शैलीमा भन्छन्, ‘कुर्सी लिनुहोस्। धेरै भया झकास, अब केही विशेष गरौँ।’
‘बिग बोस ओटीटी ३’को प्रोमो हेरेर सलमान खानका फ्यान भने निरास भएका छन्। उनीहरूले सलमानविना शो चल्न असम्भव रहेको प्रतिक्रिया दिएका छन्।
जूनबाट प्रसारणमा आउने शोको प्रसारण मिति भने ठ्याक्कै तोकिएको छैन। शोको पहिलो सिजन दिव्या अग्रवाल र दोस्रो सिजन एल्विश यादवले जितेका थिए।
जेठ १९, २०८१ शनिबार ११:३८:५१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
