उत्तर र मध्य भारतमा भीषण गर्मी, तापक्रम ५० डिग्रीसम्म पुग्यो
![उत्तर र मध्य भारतमा भीषण गर्मी, तापक्रम ५० डिग्रीसम्म पुग्यो](https://ukeraa.prixacdn.net/media/albums/india-heatwave_K3QtDknM9j.jpg )
एजेन्सी : उत्तर र मध्य भारतमा भीषण गर्मीको लहर चलिरहेको छ। मंगलबार चुरु, राजस्थान र हरियाणामा तापक्रम ५० डिग्री पुगेको थियो।
दिल्लीका तीन मौसम केन्द्रहरूले तापमान ४९ डिग्रीसम्म रेकर्ड गरेका छन्।
भारतीय मौसम विज्ञान विभाग (आईएमडी)ले दिल्लीको मुंगेशपुर र नरेलामा ४९.९ डिग्री सेल्सियस र नजफगढमा ४९.८ डिग्री सेल्सियस तापक्रम रेकर्ड गरेको जनाएको छ।
राजधानी दिल्लीमा यो सिजनको सबैभन्दा उच्च तापक्रम हो। यद्यपि, मुंगेशपुर र नरेला मौसम स्टेशनहरू २०२२ मा स्थापना भएका थिए र विगत तीन वर्षको लागि मात्र रेकर्डहरू छन्।
आईएमडीले मे ३० पछि गर्मीको लहरबाट राहत पाउन सक्ने बताएको छ।
आईएमडीले बिहीबार उत्तर-पश्चिम भारतका केही भागहरूमा सप्ताहन्तमा केही वर्षा हुनसक्ने अपेक्षाा गरेको छ।
आईएमडीका महानिर्देशक मृत्युञ्जय महापात्राले उत्तर-पश्चिम र मध्य भारतमा तातो लहरको अवस्था पश्चिमी विक्षोभको अनुपस्थितिलाई श्रेय दिएका छन्।
जेठ १६, २०८१ बुधबार ११:२५:१७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।