आईपीएलमा आज कोलकाता र हैदरावाद क्वालिफायर्समा भिड्दै

काठमाडौं : इन्डियन प्रिमियर लिग आईपीएलको क्वालिफायरमा आज कोलकाता नाइट राइडर्स र सनराइजर्स हैदरावाद भिड्दैछन्।

खेल नेपाली समयअनुसार बेलुकी पौने ८ बजे गुजरातको अहमदावादस्थित नरेन्द्र मोदी क्रिकेट रंगशालामा हुनेछ।

यो खेल जित्ने टोलीले सिधै फाइनल पुग्नेछ भने हार्ने टोलीले फाइनल पुग्ने थप एक मौका पाउनेछ।

दुई टोलीबीच अहिलेसम्म भएका २६ खेलमा कोलकाता १६-९ ले हावी छ। यस सिजन कोलकातामा भएको दुई टोलीबीचको खेलमा कोलकाताले ४ रनको रोमाञ्चक जित दर्ता गरेको थियो। दुवै टोलीले प्लेअफमा पनि दुई पटक आमनेसामने गरेका छन्। जसमा दुवै टोलीले एक-एक खेल जितेका छन्।

कोलकाता १४ खेलमा २० अंक बटुलेर पहिलो र हैदरावाद समान खेलमा १७ अंकसहित दोस्रो भएर क्वालिफायर खेल्दैछन्।

आइतबार गुवाहाटीमा हुनुपर्ने समूह चरणको अन्तिम खेलम कोलकाता र राजस्थान रोयल्यबीचको खेल वर्षाका कारण रद्द भएपछि हैदरावादले क्वालिफायर्स खेल्ने मौका पाएको हो।

उक्त खेल कोलकाताले जितेको भए हैदरावादले नै क्वालिफायर्स खेल्थ्यो भने राजस्थानको जितेको खण्डमा उसले क्वालिफायरमा स्थान बनाउन्थ्यो। 

त्यसकारण पनि कोलकाता र राजस्थानबीचको खेल वर्षाले रोकिँदा हैदरावादलाई फाइदा पुगेको हो।

कोलकाता पहिलो पटक आईपीएलको लिग चरणको पहिलो स्थानमा पुगेको हो। आइतबार भएको खेलमा सनराइजर्स हैदरावादले जित निकालेर क्वालिफायर खेल्दैछ।

आगामी टी-२० विश्वकपलाई ध्यानमा राख्दै इंग्ल्याण्डका खेलाडीहरू स्वदेश फर्किएपछि कोलकाता सुनिल नारायण र फिल साल्ट टोलीमा हुने छैनन्।

जेठ ८, २०८१ मंगलबार ०७:१२:२३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।