तीन हप्तादेखि बेपत्ता गुरचरण घर फर्किए
एजेन्सी : चर्चित टिभी शो ‘तारक मेहता का उल्टा चश्मा’मा रोशन सिंह सोढीको भूमिका निभाएका गुरचरण सिंह घर फर्किएका छन्।
तीन हप्तादेखि बेपत्ता गुरचरण सिंह घर फर्किएको दिल्ली प्रहरीले जानकारी दिएको छ। अप्रिल २२ देखि बेपत्ता भएपछि उनलाई खोजी गरिदिन उनका बुवाले दिल्ली पुलिसमा उजुरी दर्ता गराएका थिए।
प्रहरीले भन्यो, ‘तारक मेहता का उल्टा चश्मा स्टार सोधी अप्रिल २२ देखि बेपत्ता थिए। प्रहरीले यस विषयमा मुद्दा दर्ता गरी अनुसन्धान थालेको थियो।’
प्रहरीले अगाडि थप्यो, ‘उनको खोजीमा पुलिस दिल्ली, मुम्बई र अमृतसर गएको थियो। आज बिहान उनी घर फर्किएका छन्। यो अवधि उनले गरुद्वारामा बिताएका थिए।’
यस विषयमा थप अनुसन्धान भइरहेको प्रहरीले जनाएको छ। उनको बयान अदालतमा रेकर्ड गरिनेछ। प्रहरीले उनी बेपत्ता हुनुको कारण पत्ता लगाउने प्रयास गरिरहेको छ।
जेठ ५, २०८१ शनिबार १२:३८:१९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
