फ्लप फिल्म ‘हात्तीछाप’का लेखक र निर्देशकले कस्तो बनाउलान् ‘जन्ते बाख्रो’ !
काठमाडौं : गत वर्ष झुर कथामा अभिनेता सौगात मल्ललाई राखेर निर्माण भएको फिल्म ‘हात्तीछाप’का लेखक र निर्देशक मिलेर नयाँ फिल्म बनाउने भएका छन्।
‘हात्तीछापमा’सँगै सहकार्य गरेका निर्देशक सिमोस सुनुवार र लेखक प्रदीप भारद्वाजले दोस्रो फिल्म ‘जन्ते बाख्रो’निर्माण गर्ने भएका हुन्।
पहिलो सहकार्यमा गतिलो कन्टेन्ट दिन नसकेका उनीहरुले ‘जन्ते बाख्रो’को छायांकन मिति समेत तोकिसकेका छन्। उनीहरुका अनुसार यो फिल्म आगामी भदौबाट सुटिङ हुनेछ।
मुइन इन्टरटेनमेन्टको ब्यानरमा निर्माण हुने यो फिल्मका लागि कलाकार भने फाइनल भइसकेका छैनन्। फिल्मको सुटिङमा जानुअघि फाइनल गर्ने निर्माण पक्षको भनाई छ। हालै चलचित्र विकास बोर्डबाट छायांकनका लागि अनुमति पत्र लिइसकेका छन्।
प्रदीप भारद्धाजले लेखेको पछिल्लो फिल्म ‘लण्डन टु पेरिस’२५ गते प्रदर्शनमा आउने तयारीमा रहेको छ।
वैशाख ३१, २०८१ सोमबार १७:०७:३० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
