दाङमा दुई महिलाको हत्या, एक पुरुष पक्राउ
बुटवल : दाङमा दुई महिलाको हत्या भएको छ। शनिबार दिउँसो घोराही उपमहानगरपालिका–१० पहेलपारमा दुई जना महिलाको हत्या भएको हो।
हत्या हुनेमा सुर्खेत घर भई घोराही उपमहानगरपालिका–१० पहेलपार बस्दै आएकी करिब ४४ वर्षीय संगीता सुनार र रुकुम घर भई सोही ठाउँ बस्दै आएकी करिब ५० वर्षीय जुतली बुढा रहेको जिल्ला प्रहरी कार्यालय दाङका प्रमुख प्रहरी उपरीक्षक रामबहादुर केसीले जानकारी दिए।
प्रहरी उपरीक्षक केसीले हत्या पाएको खबर प्राप्त गरेपछि प्रहरी घटनास्थल पुगेर घटनाबारेमा बुझ्ने काम भइरहेको बताए।
उनका अनुसार प्रहरीले हत्यामा संलग्न रहेको आशंकामा एक जना पुरुषलाई नियन्त्रणमा लिएको छ। तर, उनको नाम भने सार्वजनिक गरिएको छैन।
घट्ना बारेमा थप विवरण आउन बाँकी रहेको प्रहरी उपरीक्षक केसीले जानकारी दिए।
वैशाख २९, २०८१ शनिबार २१:३२:०७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
