आईपीएलमा आज मुम्बई र कोलाकाता भिड्दै, यस्तो छ आँकडा

काठमाडौं : इन्डियन प्रिमियर लिग आईपीएलमा आज मुम्बई इन्डियन्स र कोलाकाता नाइट राइडर्स भिड्दैछन्।

खेल नेपाली समयअनुसार बेलुकी पौने ८ बजे कोलाकाताको इडेन गार्डेन क्रिकेट स्टेडियममा हुनेछ।

११ खेल खेलेको कोलाकाता जारी सिजनमा अंक तालिकाको शीर्ष स्थानमा छ भने १२ खेल खेलिसकेको मुम्बई नवौं स्थानमा छ। मुम्बई क्वालिफायर चरणबाटै बाहिरिइसकेको छ।

दुवै टोलीबीच अहिलेसम्म भएका ३३ खेलमा मुम्बईले २३ र कोलाकाताले १० खेल मात्र जितेको छ। कोलकाताकै इडेन गार्डेनमै भएका १० खेलमा मुम्बई नै हावी भएको देखिन्छ।

तर, पछिल्ला पाँच खेलमा कोलकाता ४–१ ले अगाडि छ। गत हप्ता मुम्बईमा दुवै टोली आमनेसामने हुँदा कोलाकाताले मिचेल स्टार्कको चार विकेटको मद्दतमा २४ रनको सहज जित दर्ता गरेको थियो।

यो सिजन कोलकाता फर्ममा छ भने मुम्बई विवादै विवादले घेरिएको छ। कप्तान परिवर्तन भएसँगै निम्तिएको असार टिमको प्रस्तुतिमै देखिएको छ।

वैशाख २९, २०८१ शनिबार १२:१०:१३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।