७ वर्षअघि नरेन लिम्बुले गाएको गीत ‘अन्तिम माया’मा अनमोल र जसिता
काठमाडौं : जेठ १० गते प्रदर्शनमा आउन लागेको फिल्म ‘फर्की फर्की’मा समावेश गीत ‘अन्तिम माया’ सार्वजनिक भएको छ। उक्त गीतको भिडियोमा अभिनेता अनमोल केसी र अभिनेत्री जसिता गुरुङले अभिनय गरेको छन्।
शुक्रबार रिलिज भएको गीतमा नरेन लिम्बुले ७ वर्षअघि गाएको गीतलाई रि–एरेन्ज गर्दै फिल्ममा समावेश गरिएको छ। गीतमा नरेनकै स्वर रहेको छ भने शब्द र संगीत पनि उनी स्वयंमको छ।
यस फिल्मलाई सुयोग गुरूङले निर्देशन गरेका हुन्। निर्देशक गुरुङकै लेखन रहेको यस फिल्मलाई रोहित अधिकारी र ओमप्रकाश अग्रवाल निर्माण गरेका हुन्।
टाइम ट्राभलको कथालाई उठान गरेको यस फिल्ममा अनमोल र जसिताका अलावा रवि काफ्ले र समृद्धि अर्याल पनि शीर्ष भूमिका रहेको छ।
यस फिल्ममा नरेन्द्र मैनालीको डिओपी, अष्ट महर्जनको द्धन्द्ध, किरण थापाको कोरियोग्राफी र सुरेन्द्र पौडेलको सम्पादन छ। फिल्मलाई काफिया फिल्मस् र कुबेर फिल्मले वितरण गर्दैछ।
यसअघि रोहित अधिकारीले फिल्म ‘छ माया छपक्कै’ लगायत फिल्म निर्माण गरेका थिए।
वैशाख २१, २०८१ शुक्रबार १७:४२:५२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
