ह्यारी ब्रुकले नाम फिर्ता लिएपछि दिल्लीले भित्र्यायो लिजार्ड विलियम्स
एजेन्सी : इन्डियन प्रिमियर लिग आईपीएलको फ्रेन्चाइजी टिम दिल्ली क्यापिटल्सले इंग्यान्डका ह्यारी ब्रुकको स्थानमा लिजार्ड विलियम्सलाई टोलीमा भित्र्याएको छ।
हजुरआमाको निधनका कारण ब्रुकले आईपीएल २०२४ बाट आफ्नो नाम फिर्ता लिएपछि दिल्लीको टोलीमा दक्षिण अफ्रिकी फास्ट बलरलाई समावेश गरेको हो।
विलियम्सलाई दिल्लीले उनको आधार मूल्य ५० लाखमा अनुबन्ध गरेको हो । विलियम्सको यो पहिलो आईपीएल सिजन हुनेछ।
विलियम्सको आगमनले दिल्लीको तेज बलिङ आक्रमणलाई बलियो बनाउने दिल्लीको अपेक्षा छ। दिल्लीसँग लुंगी एनगिडी पनि उपस्थित थिए। तर, कम्मरको चोटका कारण उनले आईपीएलको यो सिजनबाट नाम फिर्ता लिएका थिए।
विलियम्सले ८३ टी-२० खेलमा १९.७३ को औसतमा १०६ विकेट लिएका छन्। उनले अप्रिल २०२२ मा दक्षिण अफ्रिकाका लागि डेब्यु गरेका थिए।
उनले दक्षिण अफ्रिकाका लागि दुई टेस्ट, चार एकदिवसीय र ११ टी-२० खेलिसकेका छन्। उनी एकदिवसीय विश्वकपमा दक्षिण अफ्रिकाको टोलीमा पनि थिए र बंगलादेशविरुद्ध खेलेका थिए।
चैत २६, २०८० सोमबार १३:१३:४१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
