बरोडासँग नेपाल ३७ रनले हार्यो
काठमाडौँ : एसएमएस फ्रेन्डशिप कप अन्तर्गत लिग चरणको अन्तिम खेलमा नेपाल बरोडासँग पराजित भयो। नेपालले लगातार तीन खेल जितेको थियो। शुक्रवारको खेलमा भने नेपाल बरोडासँग ३७ रनले हार्यो।
बरोडाले नेपाललाई १ सय ५७ रनको लक्ष्य दिएको थियो। तर १८.५ ओभरमा नेपालले १ सय १९ रन मात्र बनाउन सफल भयो। नेपालका लागि सन्दीप जोराले ५६ रनको अर्धशतकीय इनिङ खेलेका थिए। विवेक यादवले १७ र कुशल भुर्तेलले १६ रन बनाए। अन्य नेपाली ब्याटरहरुले दोहोरो अङ्कमा समेत रन जोड्न सकेनन्।
बरोडाका ध्रुव पटेलले ४ विकेट लिए। लक्षित तोक्सियाले ३ विकेट र जय अभालेले २ र हेमन्त पुन्डेले १ विकेट लिएका थिए।
चैत २३, २०८० शुक्रबार १८:४४:१४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
