आयरल्यान्ड उल्भ्स र नेपाल ‘ए’बीच दोस्रो एकदिवसीय खेल हुँदै
काठमाडौं : नेपाल ‘ए’ र आयरल्यान्ड उल्भ्सविरुद्धको दोस्रो एकदिवसीय खेल आज हुँदैछ।
खेल विहान साढे ९ बजे कीर्तिपुरस्थित त्रिवि क्रिकेट मैदानमा हुनेछ। पहिलो खेलमा पराजित नेपाल ‘ए’ पहिलो जित निकालेर सिरिजलाई बराबरी गर्न चाहन्छ।
उता आयरल्यान्ड उल्भ भने टी२० सिरिजमा झैँ एक खेलअगावै सिरिज जित्न चाहन्छ।
सिरिजको अन्तिम खेल आइतबार हुनेछ।
यसअघि बुधबार भएको भएको पहिलो एकदिवसीय खेलमा नेपाल ‘ए’ आयरल्याण्ड उल्भ्ससँग २१ रनले पराजित भएको थियो।
त्यसअघि भएको तीन खेलको टी२० सिरिज आयरल्यान्ड उल्भ्सले २–१ ले जितेको थियो।
त्यसअघि राष्ट्रिय टोलीसँग भएको दुई खेलको सिरिज भने नेपालले जितेको थियो।
चैत २३, २०८० शुक्रबार ०७:२३:४२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
