नेपाल ‘ए’ र आयरल्यान्ड उल्भ्सबीचको तेस्रो टी२० आज
काठमाडौं : नेपाल ‘ए’ र आयरल्यान्ड उल्भ्सबीचको तेस्रो तथा अन्तिम टी२० खेल आज हुँदैछ।
खेल दिउँसो १ बजे कीर्तिपुरस्थित त्रिवि अन्तर्राष्ट्रिय क्रिकेट मैदानमा हुनेछ।
एक खेलअगावै सिरिज गुमाइसकेको नेपाल क्लिनस्वीप हुनबाट जोगिन चाहन्छ।
निकै नाटकीय बनेका नेपाल ‘ए’ र आयरल्यान्ड उल्भ्सबीचका दुवै खेलमा नेपालले अप्रत्यासित हार बेहोर्यो।
मध्य र तल्लो क्रममा ब्याटरहरू फिनिसिङमा चुक्दा र खराब डेथ बलिङका कारण नेपालले खेल गुमायो।
खेलमा केही युवा खेलाडीले यस दौरान प्रभावशाली प्रदर्शन गरे। तर, दबाबमा टिम पफर्मेन्स राम्रो नहुँदा र प्राप्त अवसरलाई उपयोग गर्न नसक्दा नेपाल नतिजा सुम्पन पुग्यो।
टी–ट्वेन्टी सिरिजपछि दुवै टोलीले एकदिवसीय सिरिज खेल्नेछन्।
चैत १९, २०८० सोमबार ०७:५८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
