‘नेपाल ए’ले टस जित्यो, टोलीमा दुई परिवर्तन

काठमाडौं : नेपाल ‘ए’ ले आयरल्यान्ड वल्भ्सविरुद्ध दोस्रो टि२० खेलमा टस जितेको छ।

नेपाल ए का कप्तान विनोद भण्डारीले टस जितेर पहिलो फिल्ड गर्ने निर्णय लिए। नेपालले टोलीमा दुई परिवर्तन गरेको छ।

पवन सर्राफ र विपिन खत्री टोलीमा आउँदा हेमन्त धामी र अर्जुन घर्ती बेन्चमा छन्। आयरल्यान्डले पनि टोलीमा २ परिवर्तन गरेको छ।

शुक्रबार भएको पहिलो खेलमा नेपाल २१ रनले पराजित भएको थियो। जितका लागि २ सय २३ रनको लक्ष्य पछ्याउने क्रममा नेपाल २ सय १ रनमा समेटिएको थियो।

आजको खेल जिते वल्भ्सले सिरिज जित्नेछ। शनिबार भएका कारण घरेलु समर्थकको बाक्लो उपस्थिति रहने अपेक्षा गरिएको छ।

नेपाली टोली : विनोद भण्डारी (कप्तान), लोकेश बम, देव खनाल, पवन सर्राफ, किरण ठगुन्ना, आरिफ शेख, विपिन खत्री, बसिर अहमद, राशिद खान, सागर ढकाल, कमल सिंह ऐरी

चैत १७, २०८० शनिबार १२:५०:४३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।