आयरल्यान्ड उल्भ्ससँग आज दोस्रो टी२० खेल्दै ‘नेपाल ए’
काठमाडौं : ‘नेपाल ए’ले आज आयरल्यान्ड उल्भ्सविरुद्धको दोस्रो टी-२० खेल खेल्दैछ। खेल दिउँसो १ बजे कीर्तिपुरस्थित त्रिवि क्रिकेट मैदानमा हुनेछ।
तीन खेलको टी२० सिरिजको शुक्रबार भएको पहिलो खेलमा नेपाल आयरल्यान्ड उल्भ्ससँग २१ रनले पराजित भएको थियो।
नेपालका लोकेश बमले शतकीय पारी खेले पनि जित दिलाउन सकेनन्। २२३ रनको लक्ष्य पछ्याएको नेपाल एक समय सहज जितको अवस्थामा देखिएको थियो।
तर आयरल्यान्डले उत्कृष्ट पुनरागमन गर्दै नेपाल एलाई १९.३ ओभरमा मात्र २०१ रनमा समेट्यो। जितसँगै आयरल्यान्ड उल्भ्स तीन खेलको टी२० सिरिजमा १-० ले अगाडि छ।
जारी टी२० सिरिजपछि ‘नेपाल ए’ले आयरल्यान्ड उल्भ्ससँग तीन खेलको एकदिवसीय सिरिज खेल्नेछ।
यसअघि आयरल्यान्ड उल्भ्स नेपालको सिनियर टिमसँग खेलेको दुवै टी२० खेलमा पराजित भएको थियो।
चैत १७, २०८० शनिबार ०७:३४:११ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
