नेपाल एयरलाइन्सका अध्यक्षद्वारा एयर इन्डियाका सीईओसँग भेटवार्ता
काठमाडौं : नेपाल वायुसेवा निगमले एयर इन्डियाका उच्च पदस्थ अधिकारीहरूसँग भेटवार्ता गरेका छन्।
एयर इन्डियाको मुख्यालय नयाँ दिल्लीमा निगमका कार्यकारी अध्यक्ष युवराज अधिकारी नेतृत्वमा प्रतिनिधि मण्डलले एयर इन्डियाका सीईओ तथा म्यानेजिङ डिरेक्टर क्याम्पबेल विल्सनसँग भेट गरेका हुन्।
दुई एयरलाइन्सबीच प्राविधिक तथा बजार व्यवस्थापनमा आपसी सहकार्य गर्ने लगायत भूमिस्थ सेवालाई अझै व्यवस्थित एवं प्रभावकारी बनाउने विषयमा दुई कम्पनीका अधिकारीहरूबीच भेटवार्ता भएको हो।
यसबाट दुवै एयरलाइन्सबीच प्राविधिक तथा बजार व्यवस्थापन एवं भूमिस्थ सेवामा थप सहकार्य र आपसी सहयोग पुग्ने विश्वास गरिएको छ।
चैत ९, २०८० शुक्रबार १३:१२:०७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
