इन्फिनिक्स स्मार्ट फोनहरू सार्वजनिक, यस्ता छन् विषेशता र मूल्य
काठमाडौं : इन्फिनिक्सले तीन किसिमका स्मार्टफोनहरू नेपाली बजारमा ल्याएको छ।
स्मार्ट ८, स्मार्ट ८ प्लस र स्मार्ट ८ प्रो स्मार्ट फोनहरू नेपाली बजारमा ल्याएको हो।
इन्फिनिक्सको स्मार्ट ८ प्लस स्मार्टफोनमा पनि ५० मेगापिक्सलको डुअल क्यामेरा सेटअप रहेको छ भने ८ मेगापिक्सलको फ्रन्ट क्यामेरा रहेको छ।
६.५६ इन्च एचडी डिस्प्लेसहित आकर्षक तथा प्रिमियम डिजाइनमा आउने यो स्मार्टफोनमा ६००० एमएएच ब्याट्री क्षमता छ। यसले टाइप सी चार्जर सपोर्ट गर्नुका साथै स्मार्ट ८ प्लसमा फिङ्गरप्रिन्ट सुविधा पनि रहेको छ।
स्मार्ट ८ प्लस ४ जीबी र्याम र ६४ जीबी रोममा १३,९९९ रुपैयाँमा उपलब्ध हुने कम्पनीले जनाएको छ।
इन्फिनिक्सको स्मार्ट ८ प्रो स्मार्टफोनमा ५० मेगापिक्सलको डुअल क्यामेरा सेटअप रहेको छ भने ८ मेगापिक्सलको फ्रन्ट क्यामेरा रहेको छ। प्रिमियम डिजाइन सहित ६.५६ इन्च एचडी डिस्प्ले रहेको स्मार्ट ८ प्रो मा मिडिया टेक हेलियो जी ३६ चिपसेट राखिएको छ।
यो फोनमा ५००० एमएएच ब्याट्री क्षमता छ भने यसले टाइप सी चार्जर सपोर्ट गर्छ र फिङ्गरप्रिन्ट सुविधा पनि छ।
कम्पनीका अनुसार स्मार्ट ८ प्रो ४ जीबी र्याम र ६४ जीबी रोम तथा ४ जीबी र्याम र १२८ जीबी रोममा क्रमश: १२,९९९ रूपैयाँ र १३,४९९ रूपैयाँमा उपलब्ध छन्।
इन्फिनिक्सको नयाँ मोडल स्मार्ट ८ मा ६.५६ इन्च एचडी डिस्प्लेको साथमा १३ एमपी रियर क्यामेरा र ८ एमपी फ्रन्ट क्यामेरा रहेको छ। पर्फमेन्सका लागि शक्तिशाली ६००० एमएएच ब्याट्री रहेको यो स्मार्टफोनले टाइप सी चार्जिङ सपोर्ट गर्छ।
स्मार्ट ८ मा स्टोरेजका लागि ३ जीबी र्याम र ६४ जीबी रोम तथा ४ जीबी र्याम र १२८ जीबी रोममा क्रमश: ११,४९९ रूपैयाँ र १२,९९९ रूपैयाँमा उपलब्ध हुने कम्पनीले जनाएको छ।
फागुन २९, २०८० मंगलबार १९:५६:३२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
