पपुवा न्यूगिनीविरुद्ध सन्दीप जोराले पनि बनाए अर्धशतक
काठमाडौं : हङकङमा जारी टी२० क्रिकेट सिरिजमा पपुवा न्यूगिनीविरुद्ध सन्दीप जोराले अर्धशतक बनाएका छन्।
टस हारेर पहिला ब्याटिङमा तानिएको नेपालका लागि सन्दीप जोराले २१ बलमा तीन चौका र तीन छक्काको मद्दतमा अर्धशतक बनाए।
यसअघि ओपनर भुर्तेलले पनि अर्धशतक बनाएका थिए। उनले ३२ बलमा चार चौका र तीन छक्काको मद्दतमा अर्धशतक बनाएका हुन्।
अर्धशतक बनाएर भुर्तेल ५९ रनमा आउट हुँदा विनोद भण्डारीले २२ बलमा दुई चौका र एक छक्काको मद्दतमा २७ रन बनाए।
रोहित पौडेल भने चार बलमा एक रन मात्र बनाएर आउट हुँदा आरिफ शेखले सात बलमा ४ रन मात्र जोडे।
फागुन २९, २०८० मंगलबार ०८:०१:०३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
