‘काठमाडौँ इज कुकिङ’ को दोस्रो सँस्करणमा भारतीय गायक पापोनले प्रस्तुति दिने
काठमाडौँ : कोका-कोलाले ʻकाठमाडौँ इज कुकिङ’ को दोस्रो सँस्करण गर्ने भनेको छ।
काठमाडौँको हायात होटल मैदानमा चैत्र २ गते कार्यक्रम सुरू हुनेछ। ʻइज कुकिङ’ क्याम्पेनले विश्वभर खानालाई मजा लिएर खान प्रोत्साहित गर्दै आएको कम्पनीले जनाएको छ।
यस वर्षको ʻकाठमाडौँ इज कुकिङ’ कार्यक्रममा भारतीय गायक पापोन लगायत नेपाली चर्चित ब्यान्ड तथा गायकहरू द एलेमेन्ट्स, भेक, जोन एन्ड द लोकल्स, सुशान्त घिमिरे र प्रजिनाले पनि प्रस्तुति दिनेछन्।
कोका-कोला नेपालका कन्ट्री डाइरेक्टर चन्द्रिका कालियाले भने, ʻकाठमाडौँ इज कुकिङ’ मा हाँसो, खुसी र मनोरञ्जनका पलहरू देख्न पाइनेछ। नेपाली समुदायको विभिन्न जीवन्त भावनाहरुलाई यस कार्यक्रममा उतार्न पाउने छौं।'
कम्पनीका अनुसार कार्यक्रममा उपस्थित हुन चाहनेहरुले मोस्मो र कोका–कोलाको स्वाद सहित मनमोहक साङ्गीतिक प्रस्तुतिको मजा पनि लिन सक्नेछन्। कार्यक्रममा विशेष कम्बो अफर र छुटसहित २५ भन्दा बढी मोस्मो भेन्डरहरुको सहभागिता हुनेछ।
फागुन २८, २०८० सोमबार १६:१९:४६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
