गोविन्दाको स्टेजमा पल शाह पनि

काठमाडौँ : बलिउड अभिनेता गोविन्दाले आज रौतहटमा आयोजित मधानी महोत्सवमा प्रस्तुति दिएका छन्।

मौलापुर नगरपालिकालाई विश्व सम्पदा स्थलको रुपमा विकास गर्ने उद्देश्यले आयोजित उक्त महोत्सवमा गोविन्दा विशेष पाहुनाका रुपमा सहभागी थिए। उनले त्यहाँ आफू अभिनित चर्चित बलिउड फिल्मका गीत गाए, नाचे र संस्कृतका श्लोक पनि पाठ गरेका छन्।

उनको प्रस्तुति हेर्न हजारौंको संख्यामा रौतहट लगायतका जिल्लाहरूबाट दर्शक मौलापुरमा आएका छन्।

उनले रौतहट आउन पाउँदा आफूलाई खुशी लागेको बताउँदै नेपाल र नेपाली दर्शकहरुको माया आफूले सदैव पाएकोमा खुसी व्यक्त गरे।

यसैबिच बलिउड अभिनेता गोविन्दासँग अभिनेता पल शाहले पनि भेट गरेका छन्।

महोत्सवमा अभिनेता पलको पनि प्रस्तुति रहेको थियो। गोविन्दा पछि प्रस्तुति दिन पाएका पलले गोविन्दासँगको भेटमा सँगै तस्बिर समेत खिचाए।

उक्त महोत्सवमा अभिनेता पलसहित भोजपुरी अभिनेत्री नीलम गिरी र गायक प्रेम परियारले पनि प्रस्तुति दिए। महोत्सवलाई दिनेश डीसीले होस्ट गरेका थिए।

गोविन्दाले उक्त अवसरमा महोत्सवमा सहभागीसँग भलाकुसारी गरेका थिए भने सोही मेसोमा अभिनेता पलले समेत गोविन्दासँग भलाकुसारी गर्ने मौका पाए।

फागुन २५, २०८० शुक्रबार २१:३८:५२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।