रियल मड्रिड र म्यान्चेस्टर सिटी च्याम्पियन्स लिगको क्वार्टरफाइनलमा

काठमाडौं : रियल मड्रिड र म्यान्चेस्टर सिटी युईएफए च्याम्पियन्स लिगको क्वार्टरफाइनलमा प्रवेश गरेका छन्।

बुधबार राति भएको राउन्ड अफ १६ को खेलमा कोपनहेगनलाई ३–१ ले पराजित गर्दै म्यान्चेस्टर सिटी क्वार्टरफाइनल प्रवेश गर्दा रियल मड्रिड र लेइपजिङले १–१ गोलको बराबरी खेले।

तर एग्रिगेटमा लेइपजिङ २–१ ले पछि परेसँगै रियल मड्रिडले क्वार्टरफाइनलमा स्थान पक्का गरेको हो।

म्यान्चेस्टर सिटीका लागि खेलको पाँचौं मिनेटमा म्यानुअल आकान्जीले गोल गर्दै टोलीलाई अग्रता दिलाएका थिए।

नवौं मिनेटमा जुलियन अल्भारेज र पहिलो हाफको इन्जुरी समयमा इर्लिङ हल्याण्डले गोल गर्दै टोलीको जित पक्का गरेका हुन्।

कोपनहेगनका मोहम्मद इलियोन्सीले खेलको २९औं मिनेटमा सान्त्वना गोल फर्काए।

यस्तै अर्को खेलमा रियल मड्रिडका भिन्सियस जुनियरले खेलको ६५औं मिनेटमा गोल गर्दा त्यसको तीन मिनेटपछि अर्थात् ६८औं मिनेटमा लेइपजिङका विली अरबानले गोल फर्काउँदै खेललाई बराबरीमा ल्याएका थिए।

यसअघि हिजो राति भएको खेलबाट बार्यन म्युनिक र पीएसजी क्वार्टरफाइनल प्रवेश गरेका छन्।

फागुन २४, २०८० बिहीबार ०७:३६:११ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।