त्रिकोणात्मक टी२० सिरिज : उपाधि जित्न नेपालले नेदरल्यान्ड्सलाई दियो १८५ रनको लक्ष्य
काठमाडौं : त्रिकोणात्मक टी२० सिरिजको फाइनलमा नेपालले नेदरल्यान्ड्सलाई १८५ रनको लक्ष्य दिएको छ।
टस जितेर पहिला ब्याटिङ रोजेको नेपालले निर्धारित २० ओभरमा आठ विकेटको क्षतिमा १८४ रन बनायो।
नेपालका लागि आशिफ शेखले सर्वाधिक ४७ रन बनाए। ३७ बलको सामना गरेका उनले १ चौका र तीन छक्का प्रहार गरे।
गुल्सन झा ३४, कुशल मल्ल २६, रोहित पौडेल २५, कुशल भुर्तेल २०, करण केसी ९ रनमा आउट हुँदा प्रतिश जिसी र सोमपाल कामीले अविजित ६-६ रन जोडे।
नेदरल्यान्ड्सका फ्रेड क्लासेन, टिम भान डर गुग्टेन, माइकल लेटिभ र साइब्रान्ड इङ्गलब्रेन्च्टले समान दुई-दुई विकेट लिए।
नेदरल्यान्ड्सले केहीबेरमा जवाफी ब्याटिङ गर्दैछ।
फागुन २२, २०८० मंगलबार १३:११:५७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
