त्रिकोणात्मक टी२० सिरिजको उपाधिका लागि नेपाल र नेदरल्यान्ड्स भिड्दै, टिकट मूल्य २ हजार रुपैयाँसम्म
काठमाडौं : त्रिकोणात्मक टी२० सिरिजको फाइनलमा आज नेपाल र नेदल्यान्ड्स भिड्दैछन्।
खेल विहान साढे ११ बजे कीर्तिपुरस्थित त्रिवि क्रिकेट मैदानमा हुनेछ।
पहिलो दुई खेलमा क्रमशः नामिबिया र नेदरल्यान्ड्ससँग पराजित नेपालले उत्कृष्ट पुनरागमन गर्दै पछिल्लो दुई खेलमा जित निकाल्दै फाइनलमा स्थान बनाएको हो।
नेपाल आफ्नो त्यो लयलाई कायमै राखेर उपाधि घरमै राख्न चाहन्छ।
उता नेदरल्यान्ड्स भने दुई सुरुवाती दुई खेलमा विजयी भएपनि तेस्रो खेलमा नेपालसँग पराजित र चौथो खेल वर्षाका कारण प्रभावित भएपछि फाइनल पुगेको हो।
नेपाल र नेदरल्यान्ड्स यसअघि ११ पटक टी२०आई खेल्दा दुवैले पाँच–पाँच पटक जितेका छन्। एक खेलको रिजल्ट आउन सकेको थिएन।
फाइनलका लागि भनेर नेपाल क्रिकेट संघ (क्यान)ले दर्शकका लागि दुई किसिमका टिकटको व्यवस्था गरेको छ।
सामान्य टिकट २५० रुपैयाँमा काट्न सकिन्छ भने भीआईपी टिकट २ हजार रुपैयाँमा काट्न सकिनेछ।
भीआईपी टिकट काट्दा स्न्याक्स बक्स र असीमिति पानीको साथमा टिकट काउन्टर अगाडि नै विशेष पार्किङको सुविधा पाउनेछन्।
फागुन २२, २०८० मंगलबार ०७:०१:०५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
