मोरङमा हुने राष्ट्रिय टी २० च्याम्पियनसिपमा एनआइसी एसिया साझेदार गर्दै
विराटनगर : मोरङ जिल्ला क्रिकेट एसोसिएसनले विराटनगरको बैजनाथपुर क्रिकेट मैदानमा मार्च ५ देखि मार्च १६ सम्म आयोजना गर्ने राष्ट्रिय टी२० च्याम्पियनसिपमा एनआइसी एसियाले साझेदारी गर्ने भएको छ। जिल्ला क्रिकेट सङ्घको आयोजना हुन लागेको प्रतियोगितामा एनआइसी एसिया बैङ्कको साझेदारी सम्बन्धी सहमति भएको हो।
साझेदारी गर्ने सहमति गर्दै ब्राण्डिङ एन्ड कर्पोरेट कम्युनिकेसन विभागका प्रमुख सरोज भट्टराइले नेपाली खेल क्षेत्रमा क्रिकेट खेलले पुर्याएको गहिरो महत्वलाई एनआईसी एशिया बैंकले क्रिकेटमा देखाएको समर्पणले थप उजागर गर्ने बताएका थिए।
'क्रिकेट खेलले समुदायलाई एकताबद्ध गर्ने अविस्मरणीय कार्य गरेको छ। प्रतियोगिताको एउटा प्रमुख साझेदार बन्ने अवसर प्राप्त भएकोमा हामी खुसी छौँ' उनले भने।
मोरङ जिल्ला क्रिकेट एसोसिएसनका अध्यक्ष मोहम्मद साद बाबु कुरेशीले क्रिकेट व्यवस्थापनमा एक महत्त्वपूर्ण कदमको पहिलो प्रमुख चरणमा भुक्तानीहरूको डिजिटलाइजेसन गर्ने प्रयास गरेको र एनआईसी एसिया बैङ्कको सहकार्यमा प्लेयर अफ दि म्याचको रकम क्युआर कोडबाट भुक्तानी सुरु गर्ने बताए।
फागुन २१, २०८० सोमबार १९:२१:५१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
