कुशल मल्लले पनि लिए दुई विकेट, नेदरल्यान्ड्सको छ विकेट पतन
काठमाडौं : त्रिकोणात्मक टि२० सिरिजको पाँचौं खेलमा नेदरल्यान्ड्सविरुद्ध नेपालले छ विकेट लिएको छ।
दशौं ओभरको पाँचौं र छैटौं बलमा कुशल मल्लले क्रमश: नोय कोरुस र आर्यन दत्तलाई आउट गरेका हुन्।
यसअघि नवौं ओभरको पहिलो र पाँचौं बलमा प्रतिश जिसीले क्रमश: कप्तान स्कट एडवार्ड र म्याक्स ओडाउडलाई बाेल्ड आउट गरेका हुन्।
त्यसअघि पहिलो ओभरको करण केसीले चौथो र छैटौं बलमा क्रमश: माइकल लेभिट साइब्रान्ड एन्जेलब्रेच्टलाई आउट गरेका थिए।
नेदरल्यान्ड्सका कप्तान स्कट एडवार्ड्सले टस जितेर पहिलो ब्याटिङ गर्ने निर्णय लिएपछि नेपाल बलिङमा तानिएको थियो।
आजको खेलमा नेपालले एक परिवर्तन गरेको छ। अनिल शाहको स्थानमा कुशल भुर्तेल टोलीमा फर्किएका छन्।
आजको खेलमा नेपालले जित हासिल गरे फाइनलमा स्थान बनाउने बलियो सम्भावना हुनेछ। हारको खण्डमा भने भोली हुने नेदरल्यान्ड्स र नामिबियाको नतिजा पर्खनुपर्नेछ।
फागुन १९, २०८० शनिबार १२:३१:२५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
