पहिलो ओभरमै करण केसीले दिलाए नेपाललाई दुई सफलता
काठमाडौं : त्रिकोणात्मक टि२० सिरिजको पाँचौं खेलमा नेपालले नेदरल्यान्ड्सविरुद्ध पहिलो ओभरमै दुई सफलता हात पारेको छ।
पहिलो ओभरको चौथो बलमा करण केसीले माइकल लेभिटलाई दीपेन्द्रसिंह ऐरीको हातबाट क्याचआउट गराए।
सोही ओभरकफ छैटौं बलमा उनले साइब्रान्ड एन्जेलब्रेच्टलाई विकेटकिपर आशिफ शेखको हातबाट क्याचआउट गराएका हुन्।
नेदरल्यान्ड्सका कप्तान स्कट एडवार्ड्सले टस जितेर पहिलो ब्याटिङ गर्ने निर्णय लिएपछि नेपाल बलिङमा तानिएको थियो।
आजको खेलमा नेपालले एक परिवर्तन गरेको छ। अनिल शाहको स्थानमा कुशल भुर्तेल टोलीमा फर्किएका छन्।
आजको खेलमा नेपालले जित हासिल गरे फाइनलमा स्थान बनाउने बलियो सम्भावना हुनेछ। हारको खण्डमा भने भोली हुने नेदरल्यान्ड्स र नामिबियाको नतिजा पर्खनुपर्नेछ।
फागुन १९, २०८० शनिबार ११:४४:५७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
